Spreuke

In hierdie week se les fokus ons op die boek van Spreuke. Koning Salomo het in hierdie boek geskryf oor die groot wysheid en kennis wat God aan hom gegee het om met ander te deel.

‘n Spreukwoord is iets kort en maklik om te onthou, en iets wat aan ons waardevolle lesse leer.

Die boek spreuke is ‘n baie praktiese boek wat ons op enige ouderdom help en leer.

Spreuke pdf

Spreuke 5+ les pak pdf

Voor-tiener en tieners pdf

This image has an empty alt attribute; its file name is Support.png

Lesgids – Spreuke

Begin deur jou kind te herinner dat Koning Salomo God vir enigiets kon vra, maar hy het God gevra vir die gawe van wysheid. Verduidelik aan hulle hoe hy hierdie wysheid met ons deel in die boek Spreuke. Praat met jou kind oor hoe jy hulle probeer help deur dinge te deel wat jy geleer het of foute wat jy gemaak het.

Praat oor hoe Salomo nie sy wysheid vir homself gehou het nie, maar dit met ander gedeel het. Dink aan sommige van die dinge waarmee God jou as gesin geseën het. Dit kan fisiese dinge soos kos, ‘n huis of ‘n rekenaar wees, of talente soos om mooi te kan sing of te kan teken. Dink aan maniere waarop jy die dinge met ander kan deel wat God vir jou gegee het.

In hierdie week se les, sal ons fokus op vyf van Koning Salomo se spreuke.

As jy hierdie les by die huis doen, sou my aanbeveling wees om die vyf spreuke in die week te verdeel, en om te hersien, probeer selfs om een elke dag te onthou. Moenie net dat hulle die woorde leer nie, maar praat met jou kind oor wat dit beteken. Daar is ook werkkaarte en aktiwiteite in hierdie les wat in lyn is met die spreuke, sodat jy dit makliker aan hulle kan demonstreer.

As jy hierdie les in ‘n kerk- of groepsinstelling doen, gebruik soveel of so min as wat in jou groep werk.

Die spreuke waarop ons sal fokus, is:

Spreuke 3:5-6 – Vertrou op die Here met jou hele hart. Moenie op jou eie insigte staat maak nie. Vra na die wil van God in alles wat jy doen. Hy sal die regte pad vir jou wys.

Spreuke 6:6 – Jou luiaard, gaan leer by die mier. Beskou sy weë en wees wys!

Spreuke 16:9 – ‘n Mens beplan sy koers, maar die Here bepaal sy bestemming.

Spreuke 18:10 – Die Naam van die Here is soos ‘n veilige fort. Die regverdige gaan skuil daar en word beskerm.

Spreuke 22:1 – Soek eerder na ‘n goeie naam as na groot rykdom. Hoë aansien is beter as silwer of goud.

Op die volgende bladsy sal jy ‘n paar leerwenke en idees op elk van hierdie spreuke kry.