In Handelinge 2 lees ons van die begin van die kerk op pinksterdag, waar God die gawe van die Heilige Gees aan die kerk gegee het.

 Sleutelpunte:

  1. Die Heilige Gees bemagtig ons
  2. Ons moet wag vir God se tydsberekening
  3. God hou altyd Sy beloftes.

Lesgids – Pinkster

Lesson Walk through in English

Voordat jy hierdie les begin, toets jou kind se kennis oor die Heilige Gees en verduidelik aan hulle soos nodig.

Vra jou kinders of hulle onthou wat Jesus vir die dissipels gesê het voordat Hy opgevaar het hemel toe (hersien verlede week se les). Jesus het Sy volgelinge beveel om na Jerusalem te gaan en vir die Heilige Gees te wag.

Wanneer moet ons soms wag vir iets? Probeer ons ooit iets doen sonder om te wag?

Deel dat die dissipels nie geweet het hoe lank hulle sou moes wag nie. Maar ons kan lees dat hulle omtrent tien dae moes wag (Dag van Pinkster was 50 dae na die Pasga – Levitikus 23:15-21). Probeer om te onthou wat jy tien dae gelede gedoen het. Voel dit soos ‘n lang tyd gelede?

Handelinge 2:1 sê, “Op Pinksterdag, sewe weke na Jesus se opstanding, was al die gelowiges op een plek saam”. Deel hoe spesiaal dit is dat ons tyd saam met ander gelowiges kan spandeer. Dink aan kerk of ‘n gebedsbyeenkoms waar ons saam gemeenskap kan geniet.

Vra jou kind of hulle verstaan wat ‘skielik’ beteken? Verduidelik dat dit ‘n bietjie soos ‘n verrassing is. Die dissipels het geweet die Heilige Gees sou kom, maar hulle het nie geweet wanneer nie. Speel ‘n scenario speletjie waar iets ‘skielik’ gebeur. Byvoorbeeld, wat sou jy doen as jy skielik ‘n seekoei sien? Deel hoe daar skielik ‘n magtige wind voorgekom het, en hoe verskeie tale van vuur op elk van die dissipels neergedaal het. Die Heilige Gees het gekom net soos Jesus belowe het. Jesus hou altyd Sy beloftes.

Verduidelik hoe God se tydsberekening altyd volmaak is. Op Pinksterdag, het duisende Jode bymekaar gekom in Jerusalem van regoor die wêreld.

Vra jou kind of hulle die naam van enige ander tale ken. Verduidelik dat daar baie tale in die wêreld is. Probeer om ‘n eenvoudige woord te leer in ‘n paar tale soos hallo of dankie. Deel hoe ons ‘n ander taal kan leer, maar die Heilige Gees het die dissipels die vermoë gegee om onmiddellik in ander tale en dialekte te praat. Dit was ‘n wonderwerk omdat almal die disspipels in hulle eie taal kon hoor praat.

Deel hoe die Heilige Gees Petrus die vermoë gegee het om te kan preek en mense te verstaan. Deel hoe die Heilige Gees ons in staat stel en ons toerus om God te dien. Verwyder die battery van ‘n battery aangedrewe speelding. Nooi jou kind uit om daarmee te speel. Wanneer hulle agterkom dat dit nie werk nie, deel hoe hulle nog daarmee kan speel, maar nie noodwendig hoe dit bedoel is nie. Sit ‘n paar batterye in die speelding en skakel dit aan. Wys hoe die battery die speelgoed krag gee. Dink dan weer oor Jesus se belofte dat die Heilige Gees die kerk krag gee.

Toe mense na Petrus se preek geluister het, het hulle gereageer en 3,000 mense was toe by die kerk gevoeg.

Bid saam en dank God dat Hy steeds Sy kerk regoor die wêreld bou.

Storie – Pinkster

Speletjies en Aktiwiteite

Waar is jy?? Vreemde taal speletjie

Tydens Pinkster was daar mense van regoor die wêreld wat verskillende tale gepraat het. Leer jou kind hoe om te vra, “waar is jy?” in ‘n ander taal.

Byvoorbeeld: Spaans “Dónde estás? Of Duits “Wo bist du?”

Neem beurte om weg te kruip in die kamer. Wanneer iemand vra “waar is jy?” in die vreemde taal, moet die mense wat wegkruip ‘n snaakse geluid maak totdat hulle gevind word.

Wind Aktiwiteite

Gaan kyk buite en kry soveel dinge as wat jy kan wat kan waai in die wind. Byvoorbeeld, wolke, vlae en blare.

Wanneer jy tyd het vlieg ‘n vlieër of bou ‘n windmeul.

Praat oor hoe selfs al kan jy nie die wind sien nie, die uitwerking daarvan duidelik vir ons is. Deel hoe die Heilige Gees gekom het met ‘n magtige wind op Pinksterdag.

Wag speletjie

Almal moet begin deur op die grond te sit. Verduidelik wanneer jy sê “gaan”, moet hulle x sekondes wag en dan opstaan. Die persoon naaste aan die regte tyd wen. Begin met lae getalle. Praat oor hoe ons moet wag vir God se volmaakte tyd.

Werkblad

Kleur bladsye – Pinkster

Kunswerk – Tonge van vuur mobiele

Hierdie mobiele sal rondwaai in die wind terwyl dit jou kinders herinner hoe die Heilige Gees die dissipels in staat stel om die Goeie Nuus oor Jesus te deel. Die vlamme sluit Jesus se naam in baie tale in, asook ‘n leë vlam vir jou om in te vul.

Wat jy nodig het:

  • Templaat bladsy (swart en wit of bruin),
  • Inkleur potlode,
  • Skêr
  • Gatjie pons,
  • Wol of tou.

Wat om te doen:

  1. Sny die templaat bladsy uit. Kleur eers die bladsye in as jy die swart en wit weergawe gebruik.
  2. Plak die stroke saam om ‘n ring te vorm.
  3. Pons gate en heg die vlamme aan die ring. Voeg string by om te hang.

Gratis aflaai

Pin It on Pinterest

Share This
Malcare WordPress Security